Autoriteti Portual Durrës fton të gjithë personat që parashikojnë të udhëtojnë me tragete, të presin biletën e udhëtimit para se të mbërrijnë në port si dhe të sigurohen që të dhënat e tyre në biletën e udhëtimit janë të sakta.

Saktësia e të dhënave mbi  emrin, mbiemrin, datëlindjen, numrin e pashaportës si dhe të targës së mjetit, bëjnë të mundur realizimin e kryerjes së procedurave të imbarkimit në një kohë shumë të shkurtër dhe në mënyrë shumë komode. Në të kundërt çdokush do t’i nënshtrohet proçedurave shtesë të cilat janë më të gjata në kohë dhe natyrisht më pak cilësore. Nëse harxhoni 10 sekonda të verifikoni të dhënat tuaja kur pajiseni me biletë udhëtimi do të kurseni 15 minuta kohë, rradhët dhe procedurat shtesë në portin e Durrësit.

Sistemi i Check-in automatik është ndërtuar për sigurinë dhe komoditetin tuaj.